கல்வி அமைச்சின் விஷேட உத்தரவு

 கல்வி அமைச்சின் விஷேட உத்தரவு!

கல்வி அமைச்சின் விஷேட உத்தரவு

கல்வி அமைச்சின் விஷேட உத்தரவு

2025-2026 கல்வியாண்டிற்கான தரம் 12 உயர்தர தொழிற்கல்வி பிரிவுக்குச் சேர்வதற்கான விண்ணப்பங்களைக் கல்வி அமைச்சு கோரியுள்ளது. 

 

இதன்படி, சேர்க்கைக்கான விண்ணப்பப் படிவம், விண்ணப்பிக்கக்கூடிய பாடசாலைகளின் பட்டியல் மற்றும் தொழிற்கல்வித் துறைகள் உள்ளிட்ட தகவல்கள் கல்வி அமைச்சின் இணையத்தளத்தில் சிறப்பு அறிவிப்புகளின் கீழ் வெளியிடப்பட்டுள்ளன. 

 

இந்தநிலையில், கல்விப்பொதுத்தராதர சாதாரண தரப் பரீட்சையின் எந்தவொரு முடிவுகளும், இந்த மாணவர் சேர்ப்பின்போது கணக்கில் எடுத்துக் கொள்ளப்படுவதில்லை என்று கல்வி அமைச்சு தெரிவித்துள்ளது. 

 

இதன்காரணமாக, மாணவர்களுக்கு 12 ஆம் வகுப்பில் சேரவும், தரம் 13 வரை பாடசாலைக் கல்வியைத் தொடரவும், உள்ளூர் மற்றும் சர்வதேச அளவில் அங்கீகரிக்கப்பட்ட தொழிற்கல்வித் தகுதியைப் பெறவும் வாய்ப்பளிப்பாக்கப்படுவதாகக் கல்வி அமைச்சு அறிவித்துள்ளது. 

 

இதன்படி, 2024-2025 அல்லது கடந்த 2 ஆண்டுகளுக்குள் சாதாரண தரத் தேர்வுக்குத் தோற்றிய எந்தவொரு மாணவரும் தங்கள் பகுதியில் தொழிற்கல்வி பிரிவுள்ள பாடசாலைகளில் தரம் 12க்கு விண்ணப்பிக்கலாம் என்று கல்வி அமைச்சு கூறியுள்ளது. 

 

இந்த கற்கைகளில் சுற்றுலா மற்றும் விருந்தோம்பல், வாகன தொழில்நுட்பம், தகவல் தொழில்நுட்பம், சுகாதாரம் மற்றும் பராமரிப்பு சேவைகள், இரத்தினம் மற்றும் நகை தொழில்நுட்பம், அழகு கலாசாரம் உட்பட்ட பல்வேறு துறைகள் உள்ளடக்கப்பட்டுள்ளன.

ஒரே குடும்பத்தை சேர்ந்த மூவர் மரணம் --- வட்டியும், கடனும் ஏற்படுத்திய பாதகமான விளைவு

அரசியலில் நுழைந்து சிறிது காலம் யட்டினுவர பிரதேச சபையின் தலைவராகப் பணியாற்றிய சம்பிக்க நிலந்த, பின்னர் ஐக்கிய மக்கள் சக்தியில் இணைந்தார்.

கடந்த உள்ளூராட்சித் தேர்தலில் ஐக்கிய மக்கள் சக்தியில் போட்டியிட்டு வெற்றி பெற்று யட்டினுவர பிரதேச சபைக்கு தேர்ந்தெடுக்கப்பட்டு எதிர்க்கட்சித் தலைவரானார்.

மார்ச் மாதம் தனது காரை விற்று, தான் வட்டிக்கு பணம் வாங்கிய தொழிலதிபருக்கு எதிர்க்கட்சித் தலைவர் சுமார் 1.5 மில்லியன் ரூபாய் வழங்கியதாகவும் தெரிவிக்கப்பட்டுள்ளது.

அன்றிலிருந்து அவர் தொடர்ந்து அவரைத் துன்புறுத்தி வருவதாகவும், தொழிலதிபருக்கு ஒரு மூத்த பொலிஸ் அதிகாரியின் ஆதரவும் இருந்ததாகவும் தெரியவந்துள்ளது.

இந்த பிரச்சினைகளை விரைவில் தீர்ப்பதாக கண்டியிலுள்ள உயர் பொலிஸ் அதிகாரிக்கு வழங்க 5 லட்சம் ரூபாய் வழங்குமாறு சட்டத்தரணி கேட்டதாகவும் எதிர்க்கட்சித் தலைவரின் கடைசி கடிதத்தில் குறிப்பிட்டுள்ளது.

கொலை செய்யப்பட்ட 17 வயது மகள் தொழுநோயால் பாதிக்கப்பட்டிருந்ததாகவும், அவரை சிகிச்சைக்காக இந்தியாவுக்கு அழைத்துச் செல்ல எதிர்க்கட்சித் தலைவர் முயற்சித்ததாகவும் விசாரணையில் தெரிய வந்துள்ளது.

இந்த மரணம் தொடர்பில் நெருங்கிய உறவினரான மினெல் ஹப்புகொட என்ற பெண் தகவல் வழங்கியுள்ளார். “உயிரிழந்தவர்கள் எனது சித்தியும் சித்தப்பாவும் அவரது மகளுமாகும். மிகவும் அன்பாக வாழ்ந்தனர். அவர்களுக்குள் எந்த விரிசலும் இல்லை. ஆனால் கடந்த சில நாட்களாக, சித்தப்பா ஒரு பெரிய பிரச்சினையில் சிக்கிக் கொண்டார்.

அவர் ஒரு பிரச்சினையில் சிக்கியிருப்பதை என் தந்தையும் அறிவார். ஆனால் இப்படி ஏதாவது நடக்கும் என்று நாங்கள் யாரும் நினைத்ததில்லை.” என குறிப்பிட்டுள்ளார்.

நீதிபதியின் விசாரணைக்குப் பிறகு, உடல் பிரேத பரிசோதனைக்காக பேராதனை போதனா மருத்துவமனைக்கு கொண்டு செல்லப்பட்டது. உயிர் பிழைத்த 13 வயது மகள் தற்போது பேராதனை போதனா மருத்துவமனையில் சிகிச்சைப் பெற்று வருகிறார்.

இந்த சம்பவம் குறித்து பேராதனை பொலிஸார் விசாரணை நடத்தி வருகின்றனர்.

இரண்டு நாட்களில் இருளில் மூழ்க போகும் பூமி

21ம் நூற்றாண்டின் நீளமான சூரிய கிரகணம் 2025 ஆகஸ்ட் 2ம் திகதி நிகழ்கிறது. 2025 ஆகஸ்ட் 2-ஆம் திகதி நிகழவிருக்கும் மிக நீண்ட சூரிய கிரகணம் ஒரு குறிப்பிடத்தக்க நிகழ்வாகும். ஸ்பெயின், எகிப்து மற்றும் சவுதி அரேபியா போன்ற நாடுகளில் இது முழுமையாக தெரியும் என எதிர்பார்க்கப்படுகிறது.

வழக்கமான கிரகணங்கள் சில நிமிடங்களில் முடிவடையும் நிலையில், இந்த நிகழ்வு சுமார் 6 நிமிடங்கள் 23 வினாடிகள் வரை நீடிக்கும். ஐரோப்பா, வட ஆப்பிரிக்கா, மற்றும் மத்திய கிழக்கு நாடுகளில் இந்த சூரிய கிரகணம் தெளிவாகத் தெரியும். சில பகுதிகளில் ஆறு நிமிடங்களுக்கு மேல் இருள் சூழ்ந்திருக்கும். இது ஒரு முக்கியமான வானியல் நிகழ்வாகும். இந்தியா முழுவதும் மாலை 4 மணி முதல் 6 மணி வரை கிரகணம் தெரியும்.

இந்தக் கிரகணத்தின்போது சூரியனின் ஒளிவட்டத்தை நீண்ட நேரம் காண முடியும். ஆசியா மற்றும் அமெரிக்காவின் சில பகுதிகளில் இது முழுமையாகத் தெரியாது. எனினும், இந்தியாவின் மேற்குப் பகுதிகளில் ஓரளவு தெரியும்.

தெற்கு ஸ்பெயின், வட ஆப்பிரிக்கா, சவுதி அரேபியா, ஏமன், மற்றும் ஓமன் போன்ற மத்திய கிழக்கு நாடுகளில் முழு கிரகணத்தையும் காணலாம். எகிப்தின் லக்ஸர் நகரில் அதிகபட்சமாக 6 நிமிடம் 23 வினாடிகள் வரை கிரகணம் நீடிக்கும்.

இந்தியாவில், ராஜஸ்தான், குஜராத், மகாராஷ்டிரா மற்றும் கோவா போன்ற மாநிலங்களில் சூரியனின் 10% முதல் 30% வரை மறைக்கப்படும்.

இந்த அரிய நிகழ்வு, சந்திரன் பூமிக்கு அருகில் வரும்போதும், பூமி சூரியனிலிருந்து வெகு தொலைவில் இருக்கும்போது நிகழ்கிறது. இந்த சீரமைவின் காரணமாக, சந்திரன் சூரியனை முழுமையாக மறைக்கும் நேரம் அதிகரிக்கிறது. 1991 மற்றும் 2114-க்கு இடையில் பூமியில் இருந்து பார்க்கக்கூடிய மிக நீண்ட சூரிய கிரகணம் இதுவாகும். முழு கிரகணத்தின்போது சூரியனின் வெளிப்புற வளிமண்டலமான ஒளிவட்டத்தைக் காண முடியும்.

 வானிலை தொடர்பில் விடுக்கப்பட்டுள்ள எச்சரிக்கை

வளிமண்டலவியல் திணைக்களம் விடுத்துள்ள புதிய அறிக்கையின்படி, இன்று (30) முதல் நாட்டின் சில பகுதிகளில் வெப்பமான வானிலை நிலவும் என எச்சரிக்கப்பட்டுள்ளது.

கிழக்கு மற்றும் வடமத்திய மாகாணங்கள், வவுனியா மாவட்டம் ஆகியவற்றில் வெப்பத்தின் தாக்கம் அதிகமாக இருக்கக்கூடும் என்று தெரிவிக்கப்பட்டுள்ளது.

மற்றுமொரு பகுதியில், வடமத்திய, மத்திய, ஊவா மற்றும் கிழக்கு மாகாணங்களில் இன்று பிற்பகல் 1 மணிக்குப் பின்னர் மழை அல்லது இடியுடன் கூடிய மழை ஏற்படலாம் எனத் திணைக்களம் எதிர்வுகூறியுள்ளது.

மேலும், மேல், சப்ரகமுவ மாகாணங்கள், காலி மற்றும் மாத்தறை மாவட்டங்களில் சில இடங்களில் லேசான மழை பெய்யக்கூடும்.

அத்துடன், தென் மாகாணத்தில், மணிக்கு 40 கிலோமீற்றர் வேகத்தில் ஓரளவு பலத்த காற்று வீசக்கூடும் என்றும் அறிக்கையில் குறிப்பிடப்பட்டுள்ளது.

இந்தியப் பெருங்கடலில் சுனாமி அச்சுறுத்தல் இல்லை

இந்தியப் பெருங்கடலில் சுனாமி அச்சுறுத்தல் இல்லை என்று பேரிடர் மேலாண்மை மையம் தெரிவித்துள்ளதாக கூறப்படுகிறது.

இந்தப் பின்னணியில், பொதுமக்களிடையே உள்ள தேவையற்ற அச்சத்தை நீக்குமாறும் கோரப்படுகின்றது.

 30.07.2025 காலை ரஷ்யாவின் கிழக்கு கடற்கரையில் 8.8 ரிக்டர் அளவுகோலில் ஏற்பட்ட வலுவான நிலநடுக்கத்திற்குப் பிறகு, கம்சட்கா தீபகற்பத்தில் 13 அடி உயர சுனாமி அலை எழுந்ததாக வெளிநாட்டு ஊடகங்கள் செய்தி வெளியிட்டிருந்தன.

ஜப்பானின் ஹொக்கைடோ பகுதியிலும் வலுவான நிலநடுக்கம் ஏற்பட்டதாக சர்வதேச ஊடகங்கள் செய்தி வெளியிட்டிருந்தன.

கல்வி அமைச்சின் விஷேட உத்தரவு