வெளியாகியது க.பொ.த சாதாரண தர பரீட்சை பெறுபேறுகள்!

வெளியாகியது க.பொ.த சாதாரண தர பரீட்சை பெறுபேறுகள்!

வெளியாகியது க.பொ.த சாதாரண தர பரீட்சை பெறுபேறுகள்!

2025 ஆம் ஆண்டுக்கான க.பொ.த சாதாரண தர பரீட்சை பெறுபேறுகள் சற்று முன்னர் பரீட்சைகள் திணைக்களத்தினால் உத்தியோகபூர்வமாக வெளியிடப்ட்டுள்ளன.

 மாணவர்கள் பரீட்சைகள் திணைக்களத்தின் Website பக்கம் வாயிலாக : https://www.doenets.lk/examresults பெறுபேறுகளை பார்வையிட முடியும்.

 ஒரே நேரத்தில் பலர் பெறுபேறுகளை பார்க்க முயற்சிப்பதால் சில நேரங்களில் தடங்கல்கள் வரலாம்.

கடனே இல்லாது 1,500 கோடி ரூபாயில் பிரம்மாண்டமாக மறுசீரமைக்கப்படும் கட்டுநாயக்க விமான நிலையம்

இலங்கையின் பிரதான சர்வதேச நுழைவாயிலான கட்டுநாயக்க பண்டாரநாயக்க சர்வதேச விமான நிலையத்தின் முதலாவது முனையத்தை முற்றிலும் நவீனமயமாக்குவதற்கான பிரம்மாண்ட திட்டத்தை இலங்கை அரசாங்கம் இன்று அதிகாரப்பூர்வமாகத் தொடங்கியுள்ளது.

 இந்தத் திட்டத்தின் ஆகச்சிறந்த சிறப்பம்சம் என்னவென்றால், எந்தவொரு வெளிநாட்டுக் கடன்களையும் நம்பியிருக்காமல், 15 பில்லியன் ரூபா (சுமார் 1,500 கோடி) உள்நாட்டு அரச நிதியைக் கொண்டே (மக்கள் வரிப்பணம் மட்டுமே) இந்த மேம்பாட்டுப் பணிகள் முழுமையாக மேற்கொள்ளப்படவுள்ளன.

 தற்போது இலங்கையில் சுற்றுலாப் பயணிகளின் வருகை ஜெட் வேகத்தில் அதிகரித்து வருவதால், விமான நிலையத்தில் ஏற்படும் பயணிகளின் நெரிசலைக் கட்டுப்படுத்துவது அவசியமாகியுள்ளது.

 ஜப்பானின் நிதியுதவியுடன் கட்ட திட்டமிடப்பட்டுள்ள இரண்டாவது முனையத்தின் பணிகள் முடிவடைய இன்னும் சில ஆண்டுகள் ஆகும் என்பதால், பயணிகளுக்கு உடனடித் தீர்வு காணும் நோக்கில் இந்த அவசர மறுசீரமைப்புப் பணிகள் தொடங்கப்பட்டுள்ளன.

 தற்காலிக ஏற்பாடாக தனியார் பங்களிப்புடன் 14 புதிய செக்-இன் கவுண்டர்கள் அமைக்கப்பட்டு, நாளொன்றுக்குக் கூடுதலாக 10 முதல் 20 விமானங்கள் வரை கையாளப்பட்டு வருகின்றன.

 இந்த 15 பில்லியன் ரூபா திட்டத்தின் கீழ், விமான நிலையத்தின் புறப்படும் முனையம் (Departure Hall) கணிசமாக விரிவுபடுத்தப்படவுள்ளது. அத்துடன் பயணிகள் நீண்ட நேரம் வரிசையில் காத்திருப்பதைத் தவிர்க்கும் வகையில் பாதுகாப்பு சோதனைகள் மற்றும் குடிவரவு (Immigration) பிரிவுகள் நவீனமயமாக்கப்படவுள்ளன.

 மேலும், வருகை முனையம் (Arrivals) புதிய பொலிவுடன் மாற்றியமைக்கப்படவுள்ளதுடன், பயணிகளின் உடைமைகளைக் கையாளும் அதிநவீன லக்கேஜ் சிஸ்டமும் (Baggage Handling) நிறுவப்படவுள்ளது.

 இந்த மறுசீரமைப்புப் பணிகள் முழுமையாக நிறைவடையும் போது, முதலாவது முனையத்தின் ஆண்டுப் பயணியர் கையாளும் திறன் தற்போதைய 6 மில்லியனில் இருந்து 15 மில்லியனாக உயரலாம் 15 எனவும் எதிர்பார்க்கப்படுகிறது.

 இதன் மூலம், சர்வதேசப் பயணிகளுக்கு உலகத்தரம் வாய்ந்த தடையற்ற பயண அனுபவத்தை வழங்குவதோடு, தெற்காசிய பிராந்தியத்தில் இலங்கை ஒரு மிகமுக்கிய விமான போக்குவரத்து மையமாக (Aviation Hub) உருவெடுக்கும் என்பதில் ஐயமில்லை.

 

 

 

 

 

காரில் பெண் வைத்தியரின் சடலம் – CCTV காட்சியால் வெளிவந்த அதிர்ச்சித் தகவல்!

 நுவரெலியா நகரில் உள்ள தனியார் விடுதியொன்றில் தங்கியிருந்த பெண் ஒருவர் கண்டி தெல்தெனிய வைத்தியசாலைக்கு அருகில் காணப்பட்ட காரிலிருந்து சடலமாக புதன்கிழமை (17) மாலை கண்டுபிடிக்கப்பட்டுள்ளதாக பொலிஸார் தெரிவித்தனர்.

 அண்மையில் தனது காதலனுடன் நுவரெலியாவுக்குச் சென்று, தனியார் விடுதி ஒன்றில் குறித்த பெண் தங்கியிருந்துள்ளார்.

 இந்நிலையில், செவ்வாய்க்கிழமை (2026.06.16) இரவு 10.30 மணியளவில் அவ்விடுதியில் அப்பெண்  தங்கியிருந்த அறையில் இருந்து, அவர் தூக்கிக் கொண்டுசெல்லப்பட்டு, காரொன்றில் ஏற்றிச் செல்லப்பட்டமை விடுதியில் பொருத்தப்பட்டிருந்த சிசிரிவி கமராவில் பதிவாகியுள்ளது.

 அந்த காட்சிகளை அடிப்படையாகக் கொண்டு பெண்ணின் மூத்த சகோதரன் நுவரெலியா பொலிஸ் நிலையத்தில் முறைப்பாடு அளித்திருந்தார்.

 அதனைத் தொடர்ந்து, நுவரெலியா பொலிஸார் நடத்திய விசாரணையில், வெலிகம பகுதியைச் சேர்ந்த 33 வயதுடைய வைத்தியரான பெண்ணும் கன்னொருவ பகுதியை சேர்ந்த அவரது 35 வயதுடைய காதலனும் நுவரெலியாவிற்கு கடந்த 3ஆம் திகதி சென்று  குறித்த தனியார் விடுதியில் தங்கியிருந்துள்ளமை தெரியவந்துள்ளது.

 அதன் பின்னர் அவர்களுக்கிடையில் வாக்குவாதம் ஏற்பட்டிருக்கலாம் என்றும் பின்னர், அந்த காதலன், பெண்ணை கொலை செய்துவிட்டு, அவரை தூக்கிக்கொண்டு தனியார் விடுதியிலிருந்து வெளியேறி, காரில் ஏற்றிச் சென்று கண்டி – தெல்தெனிய பகுதியில் சடலத்தை விட்டுச் சென்றிருக்கலாம் என்றும் பொலிஸார் சந்தேகிக்கின்றனர்.

 எனினும் குறித்த பெண்ணுடன் நுவரெலியாவில் உள்ள தனியார் விடுதிக்கு வருகைதந்த சந்தேக நபரை இதுவரை கைது செய்யவில்லை எனவும் விசாரணைகளை தொடர்ந்து நடத்திவரும் நுவரெலியா பொலிஸார் தெரிவித்தனர்.

 மேலும், நுவரெலியா தடயவியல் பொலிஸாரின் உதவியுடன் குறித்த இருவரும் தங்கியிருந்த தனியார் விடுதியில், சம்பவ இடத்தில் உள்ள தடயங்கள், சிசிரிவி காட்சிகள் மற்றும் சாட்சியங்களின் அடிப்படையில் விடுதி ஊழியர்களின் வாக்குமூலங்கள் பெறப்பட்டு,  தொலைபேசி அழைப்புத் தரவுகள் சேகரிக்கப்பட்டு, விசாரணைகள் தீவிரப்படுத்தப்பட்டுள்ளன.

 

 

 

14 வயது மாணவியைக் கடத்திய குற்றச்சாட்டில் 17 வயது இளைஞர் கைது...

 14 வயதுடைய பாடசாலை மாணவி ஒருவரைத் தற்காலிகமாகத் தம்முடன் அழைத்துச் சென்றதாகக் கூறப்படும் குற்றச்சாட்டில், 17 வயதுடைய கடை ஊழியர் ஒருவர் கைது செய்யப்பட்டுள்ளதாக நமுனுகுல பொலிஸார் உறுதிப்படுத்தியுள்ளனர். மாணவி நமுனுகுல, கனவெரல்ல பிரதேசத்தைச் சேர்ந்தவராவார்.

 பண்டாரவளை, பத்தியகெதர பகுதியைச் சேர்ந்த குறித்த சந்தேகநபர், நமுனுகுல கனவெரல்ல தோட்டத்தின்   வசிக்கும் ஒன்பதாம் வகுப்பு மாணவியையே இவ்வாறு அழைத்துச் சென்றதாகக் கூறப்படுகிறது. மீட்கப்பட்ட மாணவி, மருத்துவப் பரிசோதனைக்காகப் பதுளை போதனா வைத்தியசாலையில் அனுமதிக்கப்பட்டுள்ளார்.

 சந்தேகநபர் குறித்த மாணவியுடன் முன்னதாகக் காதல் உறவில் இருந்ததாகவும், பின்னர் அந்த உறவில் விரிசல் ஏற்பட்டதாகவும் பொலிஸார் தெரிவித்தனர். மாணவியின் தந்தை தம்மைக் கண்டிப்பதாகவும் துஷ்பிரயோகம் செய்வதாகவும் அந்த மாணவி சந்தேகநபரிடம் கூறியதையடுத்து, இருவரும் அவ்விடத்தை விட்டுச் சென்றதாகக் கூறப்படுகிறது.

 குறித்த மாணவியின் தந்தை பொலிஸில் முறைப்பாடு செய்வதற்கு முன்னதாகவே, சந்தேகநபர் கொழும்பில் வேலை நிமித்தம் தங்கியிருந்த தனது தாயைச் சந்திக்கச் சென்றிருந்தார். பின்னர், மாணவியும் சந்தேகநபரும் அவரது தாயும் தாங்களாகவே முன்வந்து பொலிஸில் சரணடைந்தனர்.

 பதுளை மாவட்ட பிரதிப் பொலிஸ் மா அதிபர் லக்சிறி விஜேசேனவின் மேற்பார்வையில், பதுளை சிரேஷ்ட பொலிஸ் அத்தியட்சகர் ஜகத் ரோஹன, உதவிப் பொலிஸ் அத்தியட்சகர் வெஹித தேஷப்பிரிய மற்றும் நமுனுகுல பொலிஸ் நிலைய பொறுப்பதிகாரி இன்ஸ்பெக்டர் எஸ். சி. ஜீவரத்ன ஆகியோர் தலைமையிலான குழுவினர் இது தொடர்பான மேலதிக விசாரணைகளை மேற்கொண்டு வருகின்றனர்.

 

 

 

 

 

தெல்தெனியவில் கண்டெடுக்கப்பட்ட பெண்ணின் சடலம் குறித்து மேலதிக விவரங்கள் வெளியீடு

 தெல்தெனிய வைத்தியசாலைக்கு அருகில் நிறுத்தப்பட்டிருந்த காரொன்றில் இருந்து பெண்ணொருவரின் சடலம் மீட்கப்பட்ட சம்பவம் தொடர்பில் பொலிஸார் மேலதிக விபரங்களை வெளியிட்டுள்ளனர். உயிரிழந்தவர் அம்பாறை பொது வைத்தியசாலையில் உடற்பயிற்சி சிகிச்சை நிபுணராக (Physiotherapist) கடமையாற்றிய 34 வயதுடைய பெண் என அடையாளம் காணப்பட்டுள்ளார்.

 இப்ப பெண்ணின் காதலனான கண்டி, கன்னொருவ பகுதியைச் சேர்ந்த மென்பொருள் பொறியியலாளர் (Software Engineer) ஒருவரே சடலத்தை காரில் வைத்துவிட்டு தப்பிச் சென்றுள்ளதாக முதற்கட்ட விசாரணைகளில் தெரியவந்துள்ளது. உயிரிழந்த பெண்ணுடன் சுமார் 8 மாதங்களாக காதலில் இருந்த சந்தேக நபர் தற்போது தலைமறைவாகியுள்ளதுடன், அவரைக் கண்டுபிடிப்பதற்காக பொலிஸார் பொதுமக்களின் உதவியைக் கோரியுள்ளனர்.

 ஊடக அறிக்கைகளின்படி, சந்தேக நபருடன் கனடா செல்வதற்காக இப்பெண் வங்கியொன்றிலும் பல தனிநபர்களிடமிருந்தும் சுமார் 15 மில்லியன் ரூபாவை கடனாகப் பெற்றுள்ளதாக பொலிஸார் தெரிவித்துள்ளனர். எனினும், அந்தத் திட்டம் தோல்வியடைந்ததோடு, கடனாளிகள் பணத்தைத் திருப்பித் தருமாறு வற்புறுத்தியதால் அவர் கடுமையான மன அழுத்தத்திற்கு ஆளாகியுள்ளார். அவர் ஜூன் 3ஆம் திகதி முதல் நுவரெலியாவில் உள்ள தங்குமிடமொன்றில் தங்கியிருந்துள்ளதுடன், தனது சகோதரரிடமும் மனநல மருத்துவரிடமும் தனது கவலைகளைப் பகிர்ந்துள்ளார்.

 கடந்த செவ்வாய்க்கிழமை (2026.06.16) இரவு 9.50 மணியளவில் சந்தேக நபர் அந்த தங்குமிடத்திற்கு வந்து 40 நிமிடங்கள் தங்கியிருந்ததையும், பின்னர் மயக்கமடையாத நிலையில் இருந்த அந்தப் பெண்ணை தூக்கிச் சென்றதையும் சிசிடிவி (CCTV) காட்சிகள் காட்டுகின்றன. அதன் பின்னர், அவர் அந்தப் பெண்ணை காரில் ஏற்றிச் சென்றுள்ளார். பின்னர், தெல்தெனிய வைத்தியசாலைக்கு அருகில் நிறுத்தப்பட்டிருந்த காரின் முன் இருக்கையில், கறுப்புத் துணியால் மூடப்பட்ட நிலையில் அந்தப் பெண்ணின் சடலம் கண்டெடுக்கப்பட்டது.

 சந்தேக நபர் பயன்படுத்திய கார், அம்பாறை பகுதியில் வசிக்கும் அவருடைய மற்றுமொரு காதலிக்கு சொந்தமானது என பொலிஸ் விசாரணைகளில் தெரியவந்துள்ளது. சடலப் பரிசோதனையின் பின்னர், இது கொலையா அல்லது வேறு காரணத்தினால் ஏற்பட்ட மரணமா என்பதை அதிகாரிகள் இன்னும் உறுதிப்படுத்தவில்லை.

 இச்சம்பவம் தொடர்பான மேலதிக விசாரணைகளை நுவரெலியா பொலிஸார் மேற்கொண்டு வருகின்றனர்.

 

 

 

சுப்பர்மார்க்கட்டில் இறைச்சி, மீன், முந்திரி திருடிய பெண் சட்டத்தரணி ஒருவர் கைது

 கொழும்பு வர்த்தக வங்கியின் சட்டத் துறையைச் சேர்ந்த பெண் சட்டத்தரணி ஒருவர், இரத்மலானவில் உள்ள ஒரு பல்பொருள் அங்காடியிலிருந்து ஆட்டு இறைச்சி, கோழி மற்றும் முந்திரி உள்ளிட்ட பல பொருட்களைத் திருடியபோது இரவு (2026.06.18) கைது செய்யப்பட்டதாக கல்கிஸ்ஸை காவல்துறை தலைமையகம் தெரிவித்துள்ளது.

 திருடப்பட்ட பொருட்களில் 520 கிராம் கோழி இறைச்சி, 250 கிராம் ஆட்டு இறைச்சி , வறுத்த முந்திரி, ஒரு பல் துலக்கும் தூரிகை மற்றும் ரூ. 5290 மதிப்புள்ள மதிய உணவுத் தாள் பொட்டலம் ஆகியவை அடங்கும். அவை அவரது கைப்பையில் மறைத்து வைக்கப்பட்டிருந்தபோது காவல்துறையினரால் கைப்பற்றப்பட்டன.

 பொருட்கள் வாங்குவது போல் நடித்து கடைக்கு வந்த ஒரு பெண், பல பொருட்களை ரகசியமாக தனது கைப்பையில் போடுவது சிசிடிவி கெமராவில் பதிவாகியுள்ளதாகவும், அவர் இன்னும் சில நிமிடங்களில் கடையை விட்டு வெளியேறவிருப்பதாகவும்  இரவு (2026.06.18) கல்கிஸ்ஸை காவல் தலைமையகத்திற்குக் கடையிலிருந்து ஒரு தொலைபேசி அழைப்பு வந்ததாக காவல்துறை தெரிவித்துள்ளது.

 அதன்படி, உடனடியாக நடவடிக்கை எடுத்த காவல்துறையினர், அப்பெண் கடையை விட்டு வெளியேறியபோது ஒரு பெண் காவலரை அனுப்பி அவரது கைப்பையைச் சோதனையிட்டனர்.

 அப்போது, ​​கைப்பையில் இரகசியமாக வைக்கப்பட்டிருந்த பொருட்களை அவர்களால் கண்டுபிடிக்க முடிந்தது என்று காவல்துறையினர் தெரிவிக்கின்றனர்.

 மேலும் குறித்த சட்டத்தரணி  (2026.06.17) இதே பல்பொருள் அங்காடியிலிருந்து இதே முறையில் மீன்களைத் திருடியதாக காவல்துறையினர் மேலும் கூறுகின்றனர். சம்பவம் தொடர்பில் கல்கிஸ்ஸை காவல்துறையினர் விசாரணைகளை முன்னெடுத்து வருகின்றனர்.

 

 

 வெளியாகியது க.பொ.த சாதாரண தர பரீட்சை பெறுபேறுகள்!