ஆசிரியர் சேவைக்கு ஆட்சேர்ப்பு செய்வதற்கான --- அறிவிப்பு....... - !

ஆசிரியர் சேவைக்கு ஆட்சேர்ப்பு செய்வதற்கான  ---  அறிவிப்பு....... - !

ஆசிரியர் சேவைக்கு ஆட்சேர்ப்பு செய்வதற்கான  ---  அறிவிப்பு

பாடசாலைகளில் பணிபுரியும் அபிவிருத்தி அதிகாரிகளை ஆசிரியர் சேவைக்கு ஆட்சேர்ப்பு செய்வது தொடர்பான அறிவிப்பை கல்வி, உயர்கல்வி மற்றும் தொழிற்கல்வி அமைச்சு வெளியிட்டுள்ளது. 

அமைச்சின் செயலாளர் நாலக கலுவெவவின் கையொப்பத்துடன் இந்த அறிவிப்பு வௌியிடப்பட்டுள்ளது. 

2023 ஆம் ஆண்டு மார்ச் மாதம் 25 ஆம் திகதி இடம்பெறவிருந்த பாடசாலை அபிவிருத்தி அதிகாரிகள் உள்ளிட்ட அரசுப் பணியில் உள்ள பட்டதாரி அதிகாரிகளை ஆசிரியர் சேவைக்கு ஆட்சேர்ப்பு செய்வதற்கான போட்டி பரீட்சை தொடர்பில் உயர் நீதிமன்றத்தில் விசாரணை செய்யப்படும் பல வழக்கு நடவடிக்கைகள் தற்போது முடிவுக்கு வந்துள்ளதாக கல்வி அமைச்சு தெரிவித்துள்ளது. 

இருப்பினும், மேன்முறையீட்டு நீதிமன்றத்தில் விசாரிக்கப்படும் வழக்கு இன்னும் முடிவடையாததால், அந்த வழக்கிலும் தீர்ப்பு வழங்கப்பட்ட பிறகு மேற்குறிப்பிட்ட பரீட்சை தொடர்பாக அடுத்தகட்ட நடவடிக்கை மேற்கொள்ளப்படும் என்று கல்வி, உயர்கல்வி மற்றும் தொழிற்கல்வி அமைச்சு மேலும் கூறுகிறது.

இலங்கையின் நீண்டகால வெளிநாட்டு நாணய வழங்குநரின் இயல்புநிலை மதிப்பீட்டை 'CCC+' இல்

2024 ஆம் ஆண்டில் கடன் மறுசீரமைப்பை இலங்கை நிறைவு செய்திருந்த போதிலும் இலங்கை தொடர்ந்து உயர்ந்த அரசாங்கக் கடன் மற்றும் அதிக வட்டி செலவுகளை எதிர்கொள்வதால், ஃபிட்ச் மதிப்பீடுகள் இலங்கையின் நீண்டகால வெளிநாட்டு நாணய வழங்குநரின் இயல்புநிலை மதிப்பீட்டை 'CCC+' இல் உறுதிப்படுத்தியுள்ளன. 

இலங்கையின் கடன் சுமை ஒரு முக்கிய தடையாக உள்ளது என்றும், மொத்த பொது அரசாங்கக் கடன்- மொத்த உள்நாட்டு உற்பத்தியில் 2027 ஆம் ஆண்டில் சுமார் 96 சதவீதத்தை எட்டும் என்றும், இது 'CCC' சராசரியான 74 சதவீதத்தை விட கணிசமாக அதிகமாகும் என்றும் மதிப்பீட்டு அந்த நிறுவனம் எடுத்துக்காட்டியுள்ளது. 

வட்டி- வருவாய் விகிதம் 2027 ஆம் ஆண்டில் 46.5% ஆகக் குறையும் என்று எதிர்பார்க்கப்படுகிறது. 

எனினும் இன்னும் 'CCC' சராசரியான 14.3% ஐ விட அதிகமாக இருக்கும். 

இலங்கை அதன் 48 மாத சர்வதேச நாணய நிதியத்தின் உதவியில் கீழ் கணிசமான முன்னேற்றத்தை அடைந்துள்ளது. 

இதில் திட்ட இலக்குகளுடன் ஒத்துப்போகும் 2025 வரவு செலவு திட்டத்தை மார்ச் மாதத்தில் நிறைவேற்றுவது மற்றும் மின்சார விநியோக செலவை கட்டணத்தை அதிகரிப்பதன் ஊடாக - மீட்டெடுப்பது ஆகியவை அடங்கும். 

இலங்கை மத்திய வங்கி நாணய மாற்று விகித நெகிழ்வுத்தன்மையைப் பராமரித்து, பணப் பற்றாக்குறைக்கு நிதியளிப்பதைத் தவிர்த்து வருகிறது. 

நாட்டின் நிதி நிலை குறிப்பிடத்தக்க அளவில் மேம்பட்டுள்ளதுடன் 2025 முதல் 2027 க்கு இடையில் மொத்த உள்நாட்டு உற்பத்தி சராசரியாக 2.7% ஆக இருக்கும் என்று எதிர்பார்க்கப்படுகிறது. 

இது 2021 இல் 5.7% ஆக இருந்த முதன்மை பற்றாக்குறையிலிருந்து குறிப்பிடத்தக்க மாற்றத்தைக் குறிக்கிறது. 

2025 ஜனவரி முதல் ஜூலை வரையில் இடையில் வரி வருவாய் ஆண்டுக்கு ஆண்டு 28% அதிகரித்து, ஒட்டுமொத்த வருவாய் வளர்ச்சிக்கு 27 சதவீத பங்களிப்பை அளித்துள்ளமையையும் அந்த அமைப்பு சுட்டிக்காட்டியுள்ளது.

 ஸ்னப்சட் நிறுவனம்    ----  ஸ்னப்சட் பயன்படுத்த இனி கட்டணமா?

ஸ்னப்சட் நிறுவனம் தனது பயனர்களிடம் கட்டணம் வசூலிக்க எதிர்பார்த்துள்ளதாகக் குறிப்பிட்டுள்ளது. 

புகைப்படங்கள் மற்றும் காணொளிகளைச் சேமிப்பதற்கு இவ்வாறு கட்டணம் வசூலிக்கவுள்ளதாக அந்த நிறுவனம் அறிவித்துள்ளது. 

பிரபல செயலியான ஸ்னப்சட் கடந்த 2016 ஆம் ஆண்டு ஆரம்பிக்கப்பட்டது.

5 ஜிபிக்கும் மேற்பட்ட விடயங்களை சேமித்து வைக்கப் பணம் செலுத்த வேண்டும் என அறிவிக்கப்பட்டுள்ளது.

எனினும், ஸ்னப்சட் பயனர்கள், சமூக ஊடகங்களில் நிறுவனம் பேராசை கொண்டதாக செயற்படுவதாகக் குற்றம் சாட்டியுள்ளனர்.

வேகமெடுக்கும் இன்ஃப்ளூவன்சா வைரஸ் 

இந்தியாவில் வேகமாக பரவிவரும் இன்ஃப்ளூவன்சா வைரஸ் தொடர்பில் இலங்கையர்கள் அச்சமடைய தேவையில்லை என சுகாதார அமைச்சு அறிவித்துள்ளது. 

H3N2 என அறியப்படும் குறித்த இன்ஃப்ளூவன்சா வைரஸ் தொற்று தொடர்பில் எமது செய்தி சேவைக்கு வழங்கிய விசேட செவ்வியில், பிரதி சுகாதார அமைச்சர் வைத்தியர் ஹன்சக விஜேமுனி இதனைக் குறிப்பிட்டார். 

இந்தியாவின் வடக்கு பிராந்திய மாநிலங்களில் இந்த வைரஸ் தொற்று அதிகரித்துச் செல்கிறது. 

இந்த நிலையில், இலங்கையிலும் H3N2 என அறியப்படும் குறித்த இன்ஃப்ளூவன்சா வைரஸ் பரவக்கூடும் என அச்சம் வெளியிடப்படுகிறது.

அதன்படி, இலங்கையில் இதற்கான சாத்தியங்கள் காணப்படுகிறதா?, அதன் தாக்கங்கள் அதிகரிக்குமா? உள்ளிட்ட விடயங்கள் தொடர்பில் பிரதி சுகாதார அமைச்சரிடம் எமது செய்தி சேவை வினவியது. 

இதற்கு பதில் வழங்கிய பிரதி சுகாதார அமைச்சர் வைத்தியர் ஹன்சக விஜேமுனி, H3N2 என அறியப்படும் குறித்த இன்ஃப்ளூவன்சா வைரஸ் சாதாரண வைரஸ் தொற்றாகவே காணப்படும் எனக் கூறியுள்ளார். 

இதனால் எவ்வித பாதிப்புகளும் ஏற்படாது எனவும் அவர் குறிப்பிட்டார். 

இந்த நிலையில் மக்கள் இந்த வைரஸ் தொடர்பில் அச்சமடைய தேவையில்லை எனவும், தொற்று ஏற்பட்டால் வழமையாக சிகிச்சைகளை பெறும் வகையில் சிகிச்சைகளை பெற்றுக் கொள்வது போதுமானதாக அமையும் எனப் பிரதி சுகாதார அமைச்சர் வைத்தியர் ஹன்சக விஜேமுனி சுட்டிக்காட்டியுள்ளார்.

 கொழும்பு பங்குச் சந்தை ---   அதிகரிப்பை பதிவு செய்த  

கொழும்பு பங்குச் சந்தையின் அனைத்துப் பங்கு விலைச் சுட்டெண் இன்று (02) அதிகரிப்பைப் பதிவு செய்துள்ளது. 

அதனடிப்படையில், அனைத்துப் பங்கு விலைச் சுட்டெண் 100.49 புள்ளிகளால் அதிகரிப்பைப் பதிவு செய்துள்ளது. 

அந்தவகையில், கொழும்பு பங்குச் சந்தையின் அனைத்துப் பங்குகளின் மொத்த விலைச் சுட்டெண் 0.46% அதிகரிப்பைப் பதிவு செய்து, இன்று 21,951.79 புள்ளிகளாகப் பதிவாகியுள்ளது. 

அதன்படி, கொழும்பு பங்குச் சந்தையின் மொத்தப் புரள்வானது இன்றையதினம் 6.5 பில்லியன் ரூபாயாகப் பதிவாகியுள்ளது.

ஆசிரியர் சேவைக்கு ஆட்சேர்ப்பு செய்வதற்கான  ---  அறிவிப்பு....... - !